रूपान्तरण एक डिजिटल पत्रिका हो जसले नेपाली समाज, राजनीति, संस्कृति, अर्थव्यवस्था र अन्य गतिविधिहरूमा केन्द्रित छ । संघीय लोकतान्त्रिक नेपाल स्थापना गर्न सहयोग गर्नु हाम्रो लक्ष्य हो। स्वतन्त्रता हाम्रो आदर्श हो ।
नेपाल पञ्चाङ्ग निर्णायक समितिले यस वर्षको बडादसैँका विभिन्न साइत सार्वजनिक गरेको छ । असोज २१ गते बिहीबार बिहान ११ः४६ बजे घटस्थापनाको साइत रहेको समितिका अध्यक्ष प्रा श्रीकृष्ण अधिकारीले जानकारी दिए । घटस्थापनाका दिन चित्रा नक्षत्र र वैधृति योग परेकाले ११ः४६ बजेअघि चित्रा नक्षत्र र वैधृति योगको शान्ति गरेर घटस्थापना गर्नुपर्छ ।
संवैधानिक इजलासमा प्रधानन्यायाधीश अनिवार्य हुनुपर्ने या नपर्ने भन्ने मुद्दा निरुपणको लागि सर्वोच्च अदालतले मगाएको अदालतका सहयोग (एमीकस क्यूरी)ले इजलास बहिष्कार गरेको छ ।
गृहमन्त्री बालकृष्ण खाणले नागरिकको जीवन रक्षा र हितमा लाग्नु सरकारको दायित्व भएको भन्दै त्यो दायित्व पूरा गर्न सरकार प्रतिबद्ध रहेको बताएका छन् ।
एमालेका अध्यक्ष केपी शर्मा ओलीले एमालेसँग लड्ने भए एकताबद्ध भएर आउन उनले सत्तारुढ गठबन्धनलाई चुनौति दिएका छन् । उनले प्रधानमन्त्री शेर बहादुर देउवा र एकीकृत समाजवादी पार्टीका अध्यक्ष माधवकुमार नेपालप्रति कटु आलोचना गर्दै गठबन्धनको कार्यशैलीप्रति आक्रोश व्यक्त गरे ।"
नेपाली कांग्रेसले १४औं महाधिवेशनअन्तर्गत जिल्लाहरुको अधिवेशन मिति केही हेरफेर गरेको छ । विहीबार साँझ बसेको पदाधिकारी तथा पूर्वपदाधिकारीको बैठकले हिमाली जिल्लाहरुमा दसैं अघि र दसैंपछि अन्य जिल्लामा अधिवेशन गर्ने निर्णय गरेको हो।
नेपाली कांग्रेसको १४औं महाधिवेशनको प्रक्रिया चलिरहँदा क्रियाशील सदस्यता विवादले उग्र रुप लिंदै गएको छ । पार्टीको केन्द्रीय कार्यालय सानेपामा धर्ना र नाराबाजी जारी छ । केही जिल्लामा पनि धर्ना शुरु भएको छ ।"
नेपाली कांग्रेसका उपसभापति विजयकुमार गच्छदारले बालुवाटार जग्गा प्रकरणमा आफूलाई पूर्वाग्राही राखेर फसाएको बताएका छन् । उनले राजनीतिक प्रतिशोध साँधेर अख्तियार दुरुपयोग अनुसन्धानले विशेष अदालतमा मुद्दा दायर गरेको आरोप पनि लगाए । बुधबार काठमाडौंमा पत्रकार सम्मेलन गर्दै उनले आफ्नो ५० वर्षको राजनीतिक र सामाजिक जीवन नै ध्वस्त पार्ने गरी षड्यन्त्रपूर्वक रुपमा फसाउने प्रयास भएको जिकिर गरे ।"
पाँचखाल नगरपालिकामा रहेको रिसोर्टको १०० रोपनी जग्गालाई केही समयदेखि बिबादमा तान्ने प्रयत्न गरिएकोछ । जग्गा दलालहरु, मालपोतका कर्मचारी र राष्ट्रिय बाणिज्य बैंकका कर्मचारीहरुको मिलीमतोमा हदबन्दीमा रहेको उक्त जग्गाको नामसारीगर्ने प्रयत्न भै रहेको कुरा हाम्रो जानकारीमा आएको छ ।
