रूपान्तरण एक डिजिटल पत्रिका हो जसले नेपाली समाज, राजनीति, संस्कृति, अर्थव्यवस्था र अन्य गतिविधिहरूमा केन्द्रित छ । संघीय लोकतान्त्रिक नेपाल स्थापना गर्न सहयोग गर्नु हाम्रो लक्ष्य हो। स्वतन्त्रता हाम्रो आदर्श हो ।
सरकारले दल विभाजन अध्यादेश ल्याएपछि विभाजनको डिलमा पुगेको नेकपा एमालेका वरिष्ठ नेता माधव नेपाल समूहले आफ्नो पक्षमा ४० प्रतिशत मत रहेको निचोड निकालेको छ । काठमाडौंको बानेश्वरस्थित एक होटलमा भएको नेपाल समूहको बैठकमा नेताहरुले दल विभाजन अध्यादेश र त्यसपछिको रणनीतिबारे छलफल गरेका थिए ।
अफगानिस्थानमा रहेका नेपालीहरुको संकटमा परेको भन्दै प्रतिनिधिसभाको बैठकमा सांसदले तत्काल उद्धार गरेर फर्काउन सरकारलाई दबाब दिएका छन् । प्रतिनिधिसभा बैठकको शून्य समयमा उनीहले कूटनीतिक पहलमार्फत चाँडोभन्दा चाँडो नागरिक फर्काउनुपर्नेमा सरकारको ध्यानाकर्षण गराएका हुन् ।"
नेपाल विद्युत् प्राधिकरणको कार्यकारी निर्देशकमा कुलमान घिसिङलाई गरिएको नियुक्तिविरूद्ध सर्वोच्च अदालतमा रिट परेको छ । कार्यकारी निदेर्शकको पदमा आफू रहँदा–रहँदै घिसिङलाई गरिएको नियुक्ति कानून र सर्वोच्च अदालतले प्रतिपादन गरेको सिद्धान्तविपरीत भएको भन्दै हितेन्द्रदेव शाक्यले सोमबार रिट दर्ता गरेका हुन् ।
अर्थमन्त्री जनार्दन शर्माले अर्थ मन्त्रालयका कर्मचारीहरु विषय विज्ञ मात्र भएर नपुग्ने भन्दै उनीहरुले सामाजिक असमानताको बारेमा पर्याप्त जानकारी लिएको हुनुपर्ने बताएका छन् ।
नेकपा माओवादी केन्द्रका अध्यक्ष पुष्पकमल दाहाल प्रचण्डले अहिले गरिरहेकै कामलाई निरन्तरता दिई यथास्थितिमा रुमल्लिए आफ्नो पार्टीको औचित्य समाप्त हुने र पतन हुने बताएका छन् ।
अन्ततः नेपाली कांग्रेसले पार्टीको १४ औं महाधिवेशन नयाँ मिति निर्धारण गरेको छ । महाधिवेशन मंसिर ९ देखि १२ गतेसम्म संचालन गरी सम्पन्न गर्ने निर्णय गरेको हो ।
नेकपा (एमाले)का वरिष्ठ नेता माधवकुमार नेपालले एमाले एकता र विभाजनको दोबाटोमा पुगेको बताएका छन् । नेता नेपालले अध्यक्ष केपी शर्मा ओलीले एमालेको विभाजन चाहेको जिकिर गर्दै भने,‘ओलीले एकपछि अर्को एकलौटी काम गरिरहेका छन् । पार्टी एकताको आधार कमजोर बनाएका छन् । वास्तवमा ओलीले एकता चाहेकै छैनन् ।’
गैरआवासीय नेपाली संघका केन्द्रिय सल्लाहकार कुल आचार्यले ब्रिटिश सैनिक सरह सेवा सुविधा पाउनुपर्ने माग गर्दै आन्दोलनरत पूर्व गोर्खाहरुको आन्दोलनमा ऐक्यबद्धता जनाएका छन् ।